,,ირაკლიმ იჩქარა...“ - რატომ წავიდა დროზე ადრე ,,წარმატებული“ პრემიერი

,,ირაკლიმ იჩქარა...“ - რატომ წავიდა დროზე ადრე ,,წარმატებული“ პრემიერი - ივანიშვილის განამრტება

პოლიტიკა - 20:39, 30 Dec, 2015

1867

საქართველოს ექსპრემიერის ბიძინა ივანიშვილის განცხადებით, ირაკლი ღარიბაშვილმა თანამდებობიდან წასვლა იჩქარა.

ამის შეახებ ივანიშვილმა 2030-ის ეთერში განაცხადა. მისი თქმით, ამ საკითხზე ირაკლი ღარიბაშვილთან კონსულტაციები ჰქონდა.

„ჩვენ გვქონდა კონსულტაციები. თუმცა გუნდის წევრები დაბნეულები იყვნენ, რადგან ამასთან დაკავშირებით ინფორმაცია არ ჰქონდათ. მე და ირაკლის გვქონდა რამდენიმე შეხვედრა ამ საკითხზე და გვქონდა ერთნაირი შეხედულებები. დროსთან დაკავშირებით გვქონდა განსხვავებული მოსაზრებები. ირაკლიმ იჩქარა. შეიძლებოდა უფრო გვიანაც მოხმდარიყო ეს ყველაფერი. შესაბამისად, ყველას ინფორმირება ვერ მოხდა. ოპონენტები ცდილობენ ეს ყველაფერი მე მომაწერონ. ადრეც, ახლაც და მომავალშიც მე და ირაკლის ბევრი საერთო გვექნება. რჩევა, რჩევაა, მაგრამ გადაწყვეტილება მიიღო ირაკლი ღარიბაშვილმა. რჩევები და კონსულტაცია ბევრ საკითხზე გვქონდა, მაგრამ ირაკლი აკეთებდა ისე ყველაფერს, როგორც მას სურდა. მე ძალიან ბედნიერი ვარ მისი გადაწყვეტილებით და მინდა მადლობა ვუთხრა იმისათვის, რაც ჩვენი გუნდისთვის გააკეთა“, - განაცხადა ივანიშვილმა.

ექსპრემიერი ღარიბაშვილის წასვლის მიზეზზეც საუბრობს. ივანიშვილი გამორიცხავს, რომ ღარიბაშვილმა თანამდებობა ნათესავების გამო შექმნილი პრობლემების გამო დატოვა.

„მკითხაობენ ბევრი თუ რატომ წავიდა ირაკლი ღარიბაშილი. ნათესავებთან დაკავშირბეით იყო კითხვები, მაგრამ ირაკლიმ ამ პრობლემას თავი გაართვა. იქ სერიოზული არაფერი ყოფილა. საერთოდ, მე პირადად ახლაც განვიცდი ნათესავებთან დაკავშირებით პრობლემებს. ახლო ნათესავებს უნდათ ჩვენი რესურსი გამოიყენონ და ამიტომ ხშირად მათთან კონფლიქტში შესვლა გვიწევს. ძირითადი მიზეზი ირაკლის წასვლის გახდა ის, რაც მან თავის გამოსვლაში აღნიშნა. თუმცა ოპონენტებმა და მედიის დიდმა ნაწილმა ეს უყურადღებოდ დატოვა. წარმატებული პრემიერი წავიდა და რატომ? რატომ იყოს ეს კარგი? ამისთვის მარტივია გავიხსენოთ ჩვენი უახლოესი ისტორია. როდესაც საბჭოთა კავშირი დაიშალა. გაიხსენეთ პირველი პრეზიდენტი საერთო ჯამში მოვკალით, მეორე - გავაქციეთ, მესამე პრეზიდენტმა ისწავლა ორის მაგალითზე როგორ მოექცნენ საზოგადოებას და ხალხი ფეხქვეშ გაიგეს. ჩვენ ეს 25 წელი დავკარგეთ. ჯერ ჩემი ნაბიჯით და ირაკლი გადაწყვეტილებით ჩვენ ის 25 წლი დავიბრუნეთ“, - განაცხადა ივანიშვილმა.