ჯანდაცვის მინისტრი დავით სერგეენკო იაშვილის კლინიკის ექიმების განცხადებას ეხმაურება.

როგორც მინისტრმა მთავრობის სხდომის დასრულების შემდეგ განაცხადა, თუ იაშვილის კლინიკის ექიმებს სურთ, რომ ბოლო დროს მომხდარი ფაქტების გამოკვლევაში საერთაშორისო ექსპერტები ჩართონ, ამის შესახებ მოსაზრება ჯანდაცვის სამინისტროს უნდა გაუზიარონ.

"ბავშვთა სტაციონარულ სერვისებში იაშვილის კლინიკა ერთ-ერთი სათავო დაწესებულებაა და მასში, ალბათ, პაციენტების ყველაზე დიდი ნაკადია. სამწუხაროდ, იქვე ხდებოდა შემთხვები, როდესაც მკურნალ ექიმს თავს დაესხნენ, რომელიც რამდენიმე ხანში გარდაიცვალა. ასევე, ახლახანს იყო საჩივარი პაციენტის მკურნალობაზე. ყველა ასეთ შემთხვევას ჯანდაცვის სამინისტროს პროფესიული განვითარების საბჭო დეტალურად სწავლობს და თავისი კომპეტენციის ფარგლებში დასკვნები გამოაქვს. თუ იაშვილის კლინიკის ექიმებს სურვილი აქვთ, რომ სხვა რესურსები ჩართონ, მათ შორის საერთაშორისო ექსპერტები, მოსაზრება უნდა გაგვიზიარონ", - განაცხადა დავით სერგეენკომ.