უმრავლესობის წევრი ზვიად კვაჭანტირაძე ინტერესდება როგორ მოხვდა „ნაციონალური მოძრაობის“ წევრი მარიამ საჯაია პარლამენტში.

აღნიშნული კითხვით დეპუტატმა მარიამ საჯაიას გუშინდელ სხდომაზე მიმართა.

„მაინტერესებს, როდესაც ჩვენ ნეპოტიზმზე გველაპარაკებით, თქვენ რომელი სიით მოხვდით პარლამენტში? რა დამსახურება გქონდათ ასეთი? თქვენ ზუსტად მაიძულეთ თქვენი უზრდელური გამოსვლის შემდეგ, ასე გიპასუხოთ. რა უნარ-ჩვევები დაგიგროვდათ ასეთი თქვენს ასაკში და რა ტექნიკას ფლობთ ისეთს, რომ ამის სანაცვლოდ შეგიყვანეს სიაში? რა ცხოვრების გზა გქონდათ ისეთი გავლილი, თუ არა თქვენი განსაკუთრებული მეგობრობა და დედათქვენის მეგობრობა მიხეილ სააკაშვილთან, რომ დღეს ამ დარბაზში ზიხართ?“, - მიმართა კვაჭანტირაძემ.