„ნაციონალური მოძრაობის“ წევრი მარიამ საჯაია სოციალურ ქსელში გია ვოლსკის განცხადებას ეხმაურება, სადაც დეპუტატი მას „უზრდელს უწოდებს“.

"საქართველოს დამსახურებული უზრდელი ვარ მე. ვოლსკიმ ეგრე თქვა და აბა არა?! მე უფრო კორექტულად ვეტყვი, რომ მისი მხრიდან ჩემ მიმართ წარმოთქმული სიტყვები არის ეიჯიზმი და სექსიზმი (წერტილი). ისე კი "იბიარდივით" კი დაემართა ბატონ ვოლსკის". - წერს საჯაია.

გია ვოლსკიმ პარლამენტის გუშინდელ სხდომაზე მარიამ საჯაიას უზრდელი მას შემდეგ უწოდა, რაც შენიშნა, რომ დეპუტატი მისი გამოსვლის დროს კოლეგასთან საუბრობდა.

„მგონია, რომ დეპუტატმა საჯაიამ გადააჭარბა ყველაფერს. ცოტა უზრდელურია, ჩემი შვილის ტოლა ბრძანდებით. რა საკვირველია, პოლიტიკაში წლოვანება არ არსებობს, მაგრამ არ შეიძლება გქონდეს განცდა იმის, რომ ესოდენ კარგი შესახედავი მანდილოსანი, რომელიც ჩვენი ქვეყნის პოლიტიკაში მონაწილეობს, არის ელემენტარულად უზრუნელი“, - განაცხადა ვოლსკიმ.