"ერთიანი ნაციონალური მოძრაობის" წევრი ნიკა მელია ფეისბუკის საკუთარ გვერდზე წერს, რომ საბურთალოზე, ჯიქიას ქუჩაზე არსებული საფეხბურთო სტადიონი, სადაც უკვე 14 წელია საფეხურთო სკოლა ოლიმპის 400 ბავშვი ვარჯიშობს - ინვესტორმა დაანგრია!

ენმ-ს წევრი განცხადებას ადგილზე გადაღებულ ფოტოებსაც ურთავს, სადაც ჩანს სანგრეული სტადიონი.

"დაბნელებისთანავე, დარწმუნებული ვარ მერიასთან შეთანხმებით, შეიყვანეს მძიმე ტექნიკა და ჩვენს მისვლამდე მოასწრეს სტადიონის განადგურება, რომლის ნაცვლად იგეგმება საცხოვრებელი კორპუსების მშენებლობა, პროექტი კი უკვე დამტკიცებულია.

სამშენებლო ტექნიკა იძულებითი წესით ტერიტორიიდან გავიყვანეთ და დილის 11 საათზე დაიგეგმა საპროტესტო აქცია.

ხელისუფლებავ, როგორც პეკინის 23 - ში "ინვესტორს" და თქვენ უკან დაგახევინეთ, ამ შემთხვევაშიც აუცილებლად იგივე მოხდება და ვერანაირი კორპუსები იქ ვერ აშენდება. ვერც ახალი წლის დღეები იქნება პროტესტის გამოხატვის შემაკავებელი ფაქტორი! "- წერს მელია.

მერობის ყოფილი კანდიდატი აცხადებს, რომ ამ თემის გარკვევას საქართველოს ფეხბურთის ფედერაციის პრეზიდენტ ლევან კობიაშვილთან შეედაცა.

"პირადად ვეცადე დაკავშირება ლევან კობიაშვილთან, თუმცა მან არც სატელეფონო ზარს არ უპასუხა და არც ჩემს სმს შეტყობინებას. იმედია, ფეხბურთის ფედარაციის პრეზიდენტს გონიერება ეყოფა და მოიქცევა ისე როგორც მისი თანამდებობის პირი უნდა იქცეოდეს როცა 400 ფეხბურთელ ბავშვს სტადიონს უნგრევენ. ჩრდილში ყოფნა არ გამოგივა ლევან!