„ნაციონალური მოძრაობის“ წევრი გივი თარგამაძე ხელისუფლებას დაპირებებს ახსენებს და მათ უმოქმედობაში ადანაშაულებს.

თარგამაძემ პარლამენტის სხდომაზე სიტყვით გამოსვლისას ქვეყანაში გაზრდილ კრიმინალზე და გაუარესებულ სოციალურ პირობებზე ისაუბრა.

"პრემიერ-მინისტრობის კანდიდატმა აღაიარა, რომ დაპირებები უმეტეს შემთხვევაში იყო გადაჭარბებული. გუშინ შინაგან საქმეთა მინისტრმა აღიარა, რომ უწყების მიერ წარმოდგენილი სტატისტიკა არ არის ზუსტი და მძიმე დანაშაულმა იმატა. ამის დადასტურება მივიღეთ დღეს დილითვე, როდესაც ქალაქის ცენტრში ორმხრივი სროლა გაიმართა პოლიციელებსა და ბანკის გაძარცვაში დამნაშავეებს შორის. აქვე ჩვენ გავიგეთ, რომ შინაგან საქმეთა სამინისტროს აქვს კონცეფცია, რომელიც გაანალიზებაზე არის გათვლილი და როდესღაც ეს გაკეთდა, მაგრამ ბატონი მინისტრი ჩაანალიზებს, სანამ ბატონი პრემიერობის კანდიდატი გაეცნობა მინისტრებს, დღეს და ახლა რა უნდა ქნას იმ ხალხმა, ვინც ყაჩაღობების მსხვერპლია, ვისაც პენსია არ აქვს, ვისაც ელემენტარული საცხოვრებელი პირობები არ აქვს? ამჟამად რა უნდა ვქნათ, აღიარებები ვჭამოთ?", - განაცხადა თარგამაძემ.