„დღევანდელ სხდომას აქვს დასაწყისი და არა აქვს დასასრული“ - ამ სიტყვებით მიმართა პარლამენტის თავმჯდომარემ დავით უსუფაშვილმა საკანონმდებლო ორგანოში შეკრებილ დეპუტატებს და მთავრობის მომავალ შემადგენლობას.

უსუფაშვილმა იმედოვნა, რომ მინისტრთა კაბინეტის დამტკიცება დღესვე მოესწრება.

„ჩვენ ვიხილავთ საკითხს, რომელიც არის მოცულობითი თემა. მინდა შეგახსენოთ ერთი სასიხარულო ფაქტი იმის შესახებ, რომ დღევანდელ სხდომას აქვს დასაწყისი და არ აქვს დასასრული. შეგვიძლია ვიმუშავოთ და ვიმუშავოთ დღესაც, ხვალაც და ზეგაც. წინა პრეცედენტები გახსოვთ. დაგვიმთავრებია ასეთი საკითხის განხილვა შუაღამისას. ასე რომ, ეს გამოცდილება გვაქვს, თუმცა თუ ყველა რაციონალურად მივუდგებით, გვიან ღამემდე შეიძლება დავასრულოთ სხდომა, თუმცა ჯერ არ ვიცით", - განაცხადა უსუფაშვილმა.