ჯანდაცვის მინისტრობის კანდიდატი დავით სერგეენკო მიიიჩნევს, რომ მისმა უწყებამ წარმატებით შეასრულა ის სტრატეგია, რაც 2012 წელს „ქართულმა ოცნებამ“ წარმოადგინა.

ამის შესახებ სერგეენკომ პარლამენტში განაცხადა, სადაც დღეს მთავრობის ახალ შემადგენლობას კენჭი უნდა უყარონ.

მინისტრობის კანდიდატი დადებითად აფასებს გიორგი კვირიკაშვილს და ამბობს, რომ მომავალი პრემიერი გამორჩეული ადამიანია.

„მისი გამორჩეულობა მისი გულწრფელობაა. იყო რამოდენიმე მიმართულება, რომელზეც წინასაარჩევნო დაპირებები შეიძლება გადაჭარბებულად ჩაითვალოს, თუმცა საბოლოო ჯამში ის სტრატეგია, რომელიც 2012 წელს „ქართულმა ოცნებამ“ წარმოადგინა, ხორციელდება. ჯანდაცვაში ის სტრატეგია, რომელიც წარმოდგენილი იყო, სრულდება და მდიდრდება ახალი პროექტით, რომელსაც ჰქვია c ჰეპატიტის ელიმინაცია“, - ამბობს სერგეენკო.