რეალური წინადადებების შემთხვევაში, კვირიკაშვილი მზადაა ენმ-სთან ითანამშრომლოს

პოლიტიკა - 20:17, 28 Dec, 2015

1642

პრემიერ-მინისტრობის კანდიდატის გიორგი კვირიკაშვილის განცხადებით ის მზად არის ოპოზიციასთან, მათ შორის ”ნაციონალურ მოძრაობასთანაც” ითანამშრომლოს, თუკი მათგან რიტორიკული ლოზუნგების მაგივრად რეალური წინადადები წამოვა. აღნიშნული განცხადება პრემიერობის კანდიდატმა ეკონომიკური საქმიანობის დეკრიმინალიზაციასთან დაკავშირებით დასმული შეკითხვის საპასუხოდ გააკეთა , ეკონომიკური საქმიანობის დეკრიმინალიზაცია ენმ-ს მიერ გაჟღერებული ინიციატივაა.

"შემიძლია დაგიდასტუროთ ჩემი სურვილი, რომ შევხვდეთ და ვისაუბროთ. ვფიქრობ, ამ მიმართულებით ეს ნაბიჯები გადასადგმელია და სიამოვნებით შეგხვდებით, მოვისმენ თქვენს წინადადებებს ამ მიმართულებით. ასევე ვთხოვ შესაბამის ინსტიტუტებს, რომ მაქსიმალურად კონსტრუქციულად მივუდგეთ ამ საკითხის განხილვას და თუ ჩვენ მოვნახავთ საერთო ნიადაგს, ძალიან დიდი სიამოვნებით მოვისმენდი თქვენს წინადადებებს. შესაცვლელი საგადასახადო ადმინისტრირების კუთხით ბევრი რამ არის და კიდევ ერთხელ ვამბობ, რომ ჩვენი მთავრობა მზად არის კონსტრუქციული თანამშრომლობისთვის. ჩვენი კაბინეტის სულისკვეთებაა, მოვისმონოთ თქვენი წინადადებები, განვიხილოთ. თუ თქვენი მხრიდანაც იქნება არა რიტორიკული ლოზუნგები, არამედ წინადადებები რეალური თანამშრომლობისთვოს, ჩვენი მხრიდან უარი არასდროს იქნება." - განაცხადა კვირიკაშვილმა.