"თუ გუნდი მეტყვის, სოსო კარგად იყავიო, მეც ვეტყვი- სულ კარგად ბრძანდებოდეთ!"- ჯაჭვლიანი

პოლიტიკა - 17:27, 28 Dec, 2015

1640

საპარლამენტო უმრავლესობის წევრის სოსო ჯაჭვლიანის თქმით ჯერჯერობით სარჩევნო სიაზე მმართველ გუნდში საუბრები არ ყოფილა, შესაბამისად არც თავად არ იცის აქვს თუ არა შანსი რომ მომავალ პარლამენტში მოხვდეს. ამასთანავე ჯაჭვლიანი არ ეთანხმება პარლამენტის სპიკერის განცხადებას იმასთან დაკავშირებით, რომ პარლამენტში მსახიობები, სპორტსმენები და რეჟისორები არ უნდა იყვნენ.

„პარლამენტში 120 ეკონომისტი, იურისტი და სოციოლოგი ყოფილა, რაღაც რომ არ გამოსდით, მერე აბრალებენ- მსახიობებს, სპორტსმენებს და რეჟისორებს. არადა ყველაზე მაგრად ჩვენ ვაქტიურობტ. სოციოლოგებმა, ეკონომისტებმა და იურისტებმა ამ 25 წლის განმავლობაში ხომ აგვაშენეს, არა?! მინდა ერტი განცხადება გავაკეტო- მე, სოსო ჯაჭვლიანი, არსად წასვლას არ ვაპირებ, თუ ვინმეს წასვლა უნდა კოალიციიდან, თვითონ წავიდეს!.. თუ გუნდი მეტყვის, სოსო კარგად იყავიო, მეც ვეტყვი- სულ კარგად ბრძანდებოდეთ!.. არსად არ წავალ, წავიდნენ თვითონ, რასაც ვლაპარაკობ, ვფიქრობ, რომ სიმართლეს ვლაპარაკობ. თუ ვინმეს არ მოსწონს ჩემი სიმართლე, დამიჯდეს და ოპონირება გამიწიოს. დამიმტკიცოს, რომ მართალი არ ვარ.“- აცხადებს სოსო ჯაჭვლიანი.