არასაპარლამენტო ოპოზიციის შიშით ღარიბაშვილმა უმრავლესობას გადადგომის შესახებ ვერ გაუმხილა

პოლიტიკა - 15:56, 28 Dec, 2015

2634

საპარლამენტო უმრავლესობის ერთ-ერთი ლიდერი გია ვოლსკი, ექსპრემიერთან ბოლო შეხვედრის შესახებ საუბრობს. ვოლსკის თქმით ირაკლი ღარიბაშვილმა უმრავლესობის წევრებს ბოდიში მოუხადა, იმის გამო , რომ გადადგომის შესახებ ინფორმაცია წინასწარ არ მიაწოდა. ყოფილმა პრემიერმა ამის მიზეზად ჩასაფრებული პოლიტიკური ჯგუფების მხრიდან მოსალოდნელი სკანდალი დაასახელა:

„უმრავლესობასთან შეხვედრაზე ღარიბაშვილმა ბოდიში მოიხადა, რომ დეპუტატებმა ყველაფერი ეს წინასწარ არ იცოდნენ, თუმცა ეს იმით ახსნა, რომ შესაძლოა, სხვადასხვა ჩასაფრებულ პოლიტიკურ ჯგუფს ყველაფერ ამისგან სკანდალი შეექმნა. ჩასაფრებულ ჯგუფებზე რომ ვსაუბრობ იმათ ვგულისხმობ, ვინც მთელი თავგანწირვით იბრძვის პოლიტიკური ცხოვრების ზედაპირზე დასარჩენად. საუბარია ერთკაციან არასაპარლამენტო პოლიტიკურ პარტიებზე, რომელთა დამცირება არ მინდა. მათი ლიდერები ჩამოყალიბდნენ ძალიან კარგ ექსპერტებად საარჩევნო, პოლიტიკური ინტრიგების თემაზე და ა.შ ვგულისხმობ ყველას, ვინც შუალედურ არჩევნებს გამოუცხადა ბოიკოტი. ეს ბოიკოტი საერთაშორისო პოლიტიკური წრეების ყურადღების მიქცევას ისახავდა მიზნად- ვითომ აქ დიდი სახელმწიფო კონსენსუსი შედგა. ყველაფერ ამის სათავეში ჩადგომას მარგველაშვილი ცდილობდა, თუმცა წარუმატებლად. მეტ-ნაკლებად, რაღაც ნიშა ისევ პატრიოტთა ალიანსმა და ბურჯანაძის პარტიამ შეინარჩუნეს.“- განაცხადა გია ვოლსკიმ.