შინაგან საქმეთა მინისტრობის კანდიდატის გიორგი მღებრიშვილის ინფორმაციით, გრძელდება რეფორმები იმისთვის, რომ პოლიცია უფრო ეფექტური და საზოგადოების საჭიროებებზე ორიენტიტებული იყოს.

ამის შესახებ მღებრიშვილმა პარლამენტში გაერთიანებული კომიტეტების სხდომაზე განაცხადა, სადაც კანონმდებლები მინისტრობის მოვალეობის შემსრულებლებს უსმენენ.

მისი თქმით, ხელისუფლებამ შეასრულა წინასაარჩევნო დაპირება და პოლიცია გახდა დეპოლიტიზირებული.

განვსაზღვრე სტრატეგია და გეგმა იმისთვის, რომ პოლიცია გახდეს ბევრად უფრო ეფექტური და საზოგადოების საჭიროებებზე ორიენტირებული. შინაგან საქმეთა სამინისტროში რეფორმები გრძელდება, რომელიც შემდგომ პოლიციის განვითარებას და მის შემდგომ ჩამოყალიბებას უზრუნველყოფენ. კერძოდ, გაგრძელდება კრიმინალური პოლიციის შემდგომი მოდერნიზაცია, რაც გააუმჯობესებს პოლიციის შესაძლებლობებს დანაშაულის პრენევენციისა და მასთან ბრძოლის კუთხით. მას შემდეგ რაც დაწყებულ რეფორმებს ბოლომდე მივიყვანთ, საქართველოს ეყოლება საზოგადოებაზე კიდევ უფრო მეტად ორიენტირებული პოლიცია. ჩვენი მიზანია საზოგადოებას სჯეროდეს პოლიციის, ენდობოდეს მას და ასევე თითოეული პოლიციელი გრძნობდეს მხარდაჭერას საზოგადოების მხრიდან", - განაცხადა მღებრიშვილმა.