"ეჭვი მაქვს, ელისაშვილი თავად იყო ჩართული კორუფციაში "- ბესელიას კონტრ-ბრალდება

პოლიტიკა - 13:43, 28 Dec, 2015

2579

საქართველოს პარლამენტის ადამიანის უფლებათა დაცვის კომიტეტის თავმჯდომარე ეკა ბესელია ეჭვს გამოთქვამს, რომ ალეკო ელისაშვილი თავად იყო კორუფციაში ჩართული და ამ დანაშაულის სხვაზე გადაბრალებით საკუთარი თავის პრევენციას ახდენს.

„ეჭვი მაქვს, ეს ადამიანი თავად იყო ჩართული კორუფციაში და ჩვენზე თითის გამოშვერით გარკვეულ პრევენციას ახდენს საკუთარი თავის გადასარჩენად. არის ამის შესახებ გარკვეული ინფორმაციები, მაგრამ, მისგან განსხვავებით , ამას მტკიცებით ფორმაში ვერ ვიტყვი. თუმცა აუცილებლად დავინტერესდები. მაგალითად, კითხვა მაქვს, ხომ არ იყო მისი მხრიდან არაჯანსაღი ინტერესი გამოხატული, როდესაც საკრებულოს დეპუტატის რანგში კონკრეტული პროკურორებისგან ითხოვდა მისი ახლობლის პრობლემის მოგვარებას?! ასევე დავინტერესდები , როგორ მოხდა საკმაოდ მძიმე სასჯელისგან პრეზიდენტის მეუღლის , მაკა ჩიჩუას ძმის გათავისუფლება და ჰქონდა თუ არა ადგილი ზეგავლენით ვაჭრობას. სხვა ფაქტებსაც აუცილებლად გამოვიკვლევ. ეს კომისია არავის პირადი კანტორა არ არის და არავინ იფიქროს, რომ პრეზიდენტის , ან ელისაშვილის პირადი სივრცეა.

ელისაშვილის უკან დგანან გარკვეული პოლიტიკური ძალები და ეს მალე გამოჩნდება. არ დავიწყებ მკითხაობას. ეს ყველაფერი მალე გაირკვევა. რეალურად ეს გახლავთ პატიმართმოძულე ადამიანი და მიკვირს, საერთოდ როგორ მოხვდა შეწყალების კომისიის თავმჯდომარედ. მას არც კი უფიქრია , საკუტარი აბსურდის თეატრით რა მდგომარეობაში ჩააყენა პატიმრები. შესაძლოა , ელისაშვილი მთელი ამ ბინძური კამპანიით საკუთარი დანაშაულის დაფარვას ცდილობს.“- განაცხადა ბესელიამ.