"რა გავაკეთო დღეს, ვისი ერთგული დავრჩე? "- გიორგი მარგველაშვილი

პოლიტიკა - 20:57, 26 Dec, 2015

3832

ჟურნალისტის შეკითხვაზე სპეციალურად მოახდინა თუ არა გიორგი მარგველაშვილმა მმართველილ გუნდისგან დისტანცირება, რათა დამოუკიდებლობა შეენარჩუნებინა. პრეზიდენტის თქმით დისტანცირება და გაუცხოება მისი მხრიდან არ მომხდარა, ის უბრალოდ იმ პრინციპების ერთგული დარჩა, რაც მას პრეზიდენტობამდე ქონდა.

„მე ვდისტანცირდი რო? მე არ მგონია, რომ ვდისტანცირდი რამით, მე ვუდგევარ ოპოზიციაში? არის პრეზიდენტი, არის მმართველი გუნდი და არის ერთი რამე ძალიან ძნელად დასაკარგი, ეს არის პრინციპები, რომელზეც იდექი. მე როდესაც არის დაძაბული დიალოგი ჩემსა და მმართველ გუნდს შორის , მე ვამბობ, რომ ხალხო ჩვენ ერთად ვამბობდით ამას და არმარტო ვამბობდით დავწერეთ კიდეც...“- განაცხადა პრეზიდენტმა.

გიორგი მარგველაშვილმა იუსტიციის საბჭოს მიერ მოსამართლეების არჩევის პროცესზეც ისაუბრა.

„მაგალითად გუშინდელი პროცესი, მე გავუუცხოვდი „ქართული ოცნების“ ღირებულებებს? მე გავუცხოოვდი ჩემს წარსულთან, როდესაც მე ვეტო დავადე მოსმენების კანონს? რომ დავრბოდით მთელი ქალაქი ქუჩაში ჩვენ გვისმენენო. მე გავუუცხოვდი ჩემს ამომრჩეველს, რომელსაც 10 წლის განმავლობაში ვეუბნებოდი, რომ ეს მიუღებელია? რა გავაკეთო დღეს, ვისი ერთგული დავრჩე? ჩემივე სიტყვების და იმ დოკუმენტის რომელიც ერთად შევქმენით საარჩევნო კამპანიის სახით თუ ვისი ერთგული დავრჩე? მე არ წავსულვარ იმ პუნქტებიდან რომელზეც ყველანი ვიყავით თანახმა. თუ ვინმეს ეს დისკომფორტს ანიჭებს... ძირითადად ამაზე არის ხოლმე, რატომ აქტიურობს პრეზიდენტი, რატომ მოიწვია უშიშროების საბჭო, რატომ გააკეთა კომენტარი, რატომ ადებს ვეტოებს კანონს, რომ ერთად დავშალოთ ეროვნული ბანკი? ერთად არ ვამბობდით, რომ ბიზნესი უნდა იყოს ხელშეუხებელი? ერთად არ ვამბობდით, რომ მოსმენები არ შეიძლებაო?“- განაცხადა მარგველაშვილმა.