,,მთავრობის იგივე შემადგენლობით დატოვება ცხადყოფს, რომ კვირიკაშვილი გარდამავალი პრემიერია“

,,მთავრობის იგივე შემადგენლობით დატოვება ცხადყოფს, რომ კვირიკაშვილი გარდამავალი პრემიერია“ - პაატა დავითაია

პოლიტიკა - 20:13, 26 Dec, 2015

1987

გიორგი კვირიკაშვილის განცხადებას იმის თაობაზე, რომ ის უცვლელად წარადგენს მინისტრთა კაბინეტს, გამოეხმაურა ,,ევროპელი დემოკრატები“ ლიდერი. პაატა დავითაია მიიჩნევს, რომ ახალი პრემიერის ეს განცხადება მიანისნებს იმაზე, რომ კვირიკაშვილი არის გადამავალი პრემიერი და მას ივანიშვილი უახლოეს პერიოდში აუცილებლად შეცვლის.

,,ცნობილი გახდა, რომ ახალი პრემიერ-მინისტრი წარადგენს მთავრობის იგივე შემადგენლობას, რაც იყო ღარიბაშვილის პრემიერობის დროს. საუბარი მხოლოდ ერთი მინისტრის შეცვლაზე, ვინ საგარეო უწყებას ჩაიბარებს. ამით კიდევ ერთხელ დასტურდება, რომ ღარიბაშვილის გაშვება მოხდა ბატონი ივანიშვილის ჩარევით, ამ ცვლილებით ეს დამტკიცდა და კიდევ ერთხელ ხაზი ესმევა, რომ არაფრომალური მმართველობაა ქვეყანაში. ამასთან ერთად, გამოჩნდა ის, რომ ბატონი კვირიკაშვილი იქნება გარდამავალი პრემიერ-მინისტრი და ის არ იქნება გრძელვადიანი. სავარაუდოდ ის ან არჩევნებამდე დატოვებს პოსტს ან არჩევნების შემდეგ“ - აცხადებს დავითაია ,,ნიუპოსტთან“.

მისივე ვარაუდით, მმართველი გუნდი პრემიერობის სხვა კანდიდატზე მუშაობს, რაც მისი თქმით, არჩევნების შემდგომ ეტაპზე გამოჩნდება.

,,ეს ყველაფერი ცხადყოფს, რომ ჩვენ საქმე გვაქვს არასტაბილურ მმართველობასთან. 4 წლის თავზე უკვე სამი პრემიერია გამოცვლილი და შესაძლოა მოხდეს მეოთხე ცვლილებაც, რეალურად თითო წელს ჩვენ ვღებულობთ თითო პრემიერს, ეს ნიშნავს, რომ სტაბილურობა სახელმწიფოს მართვაში არის ნულის ტოლი და ვინც ასეთ გადაწყვეტილებებს ღებულობს არის სრულიად პარანოიკი. ამდენი პრემიერი ასეთ მოკლე ვადაში არის მძიმე შედეგი. კვირიკაშვილის განცხადება, რომ მას უნდა დრო მინისტრების შეცვლისთვის, ცხადყოფს იმას, რომ არ არიან ჩამოყალიბებული და ემზადებიან სხვა გუნდისთვის და ახლა დატოვეს ტექნიკური გუნდი“ - აცხადებს დავითაია და საზოგადოებას მოუწოდებს, გამოიტანოს სწორი დასკვენი არჩევნების წინ, რადგან ,,ასეთი პარანოიკული მართველობა ქვეყანას მიიყვანს დაღუპვამდე“.