ნარმანია საკრებულოში ბიუჯეტს წარადგენს - მმართველი გუნდი ოპოზიციის პრეტენზიებს ,,არასერიოზულს“ უწოდებს

პოლიტიკა - 12:56, 26 Dec, 2015

1151

თბილისის საკრებულო დღეს დედაქალაქის 2016 წლის ბიუჯეტს დაამტკიცებს. სხდომა საკრებულოში ნაციონალური მოძრაობის დეპუტატებმა პროტესტის ნიშნად დატოვეს. როგორც ოპოზიციონრები აცხადებენ, სხდომჯაზე დასწრებას აზრი არ აქვს და ეს უბრალო ფორმალობაა. ნაციონალური მოძრაობა აცხადებს. რომ ბიუჯეტი ნაჩქარევად განიხილება.

ბიუჯეტის განხილვაში ოპოზიციის არმონაწილეობას თბილისის საკრებულოს ქონების მართვისა და საფინანსო-საბიუჯეტო კომისიის თავმჯდომარე, ჯაბა სამუშია "არასერიოზულს" უწოდებს და ამბობს, სამუშა ამბობს, რომ დედაქალაქის ბიუჯეტის განხილვა უკვე რამდენიმე კვირაა მიმდინარეობს და ნაციონალური მოძრაობის პრეტენზიებს ვერ მიიღებს.

„მე ვერ მივიღებ პრეტენზიებს, რატომ არ შეიკრიბა ნაციონალური მოძრაობის ფრაქცია და რატომ არ განიხილეს ეს ბიუჯეტი. ეს არასერიოზულია. ეს ყველაფერი არის იმ ორკვირიანი მუშაობის შედეგი, დღეს ჩვენ უბრალოდ ამ ყველაფერს ვაფორმებთ, რადგან ყველაფერს სჭირდება კანონის ჩარჩოში მოქცევა,“ - აცხადებს ჯაბა სამუშია.

2016 წლის დედაქალაქის ბიუჯეტის მოცულობა 815,893 მლნ ლარს შეადგენს., რომლიდანაც ჯანდაცვისა და სოციალური უზრუნველყოფის პროგრამებზე 214 მილიონ ლარზე მეტია გათვალისწინებული; სატრანსპორტო ინფრასტრუქტურის მშენებლობა-აღდგენის სამუშაოებისთვის - 103 მლნ ლარი, ინფრასტრუქტურული ობიექტების მშენებლობა, ექსპლუატაცია და ავარიული შენობების გამაგრებისთვის _ 167 მლნ ლარი, ეკოლოგიური მდგომარეობის გასაუმჯობესებლად გათვალისწინებული პროექტებისთვის _ 68 მლნ ლარი. თბილისის საკრებულოში მერიიდან 2016 წლის ბიუჯეტის პროექტი შესწორებებით 10 დეკემბერს შევიდა.

ბიუჯეტს საკრებულოს დეპუტატებს დედაქალაქის მერი, დავით ნარმანია, წარუდგენს.