საკრებულო დღეს დედაქალაქის ბიუჯეტს დაამტკიცებს - ოპოზიციამ სხდომა პროტესტის ნიშნად დატოვა

პოლიტიკა - 11:19, 26 Dec, 2015

1144

თბილისის საკრებულო დღეს დედაქალაქის 2016 წლის ბიუჯეტს დაამტკიცებს. ამ წუთებში ბიუჯეტის პროექტს დასამტკიცებლად განიხილავეს, სხდიმა ნაციონალური მოძრაობის დეპუტატებმა პროტესტის ნიშნად დატოვეს. როგორც ოპოზიციონრები აცხადებენ, სხდომჯაზე დასწრებას აზრი არ აქვს და ეს უბრალო ფორმალობაა. ნაციონალურ მოძრაობაში აცხადებენ, რომ თბილისის მერია წინა წლებთან შედარებით პრიორიტეტული მიმართულებების დაფინანსებას რამდენიმე მილიონი ლარით ამცირებს. ბიუჯეტი დამტკიცებისთვის საბოლოო სხდომა 14:00 საათზე გაიმართება.

2016 წლის დედაქალაქის ბიუჯეტის მოცულობა 815,893 მლნ ლარს შეადგენს., რომლიდანაც ჯანდაცვისა და სოციალური უზრუნველყოფის პროგრამებზე 214 მილიონ ლარზე მეტია გათვალისწინებული; სატრანსპორტო ინფრასტრუქტურის მშენებლობა-აღდგენის სამუშაოებისთვის - 103 მლნ ლარი, ინფრასტრუქტურული ობიექტების მშენებლობა, ექსპლუატაცია და ავარიული შენობების გამაგრებისთვის _ 167 მლნ ლარი, ეკოლოგიური მდგომარეობის გასაუმჯობესებლად გათვალისწინებული პროექტებისთვის _ 68 მლნ ლარი. თბილისის საკრებულოში მერიიდან 2016 წლის ბიუჯეტის პროექტი შესწორებებით 10 დეკემბერს შევიდა.