უმრავლესობის წევრი გია ვოლსკი ადასტურებს, რომ ირაკლი ღარიბაშვილის გადადგომის თაობაზე ბიძინა ივანიშვილთან კონსულტაციები გაიმართა.

მისი თქმით, ღარიბაშვილის გადაწყვეტილების შესახებ ინფორმაციას მასაც ჰქონდა.

„გამოვრიცხავ, რომ კონსულტაციები არ ჰქონოდათ ბიძინა ივანიშვილთან. მე ვიცოდი ირაკლის გადაწყვეტილების თაობაზე, ცოტა უფრო გვიან ველოდებოდი ამ გადაწყვეტილებას. ის სამწლიანი საქმიანობა, რაც წარმოგიდგინათ ირაკლი ღარიბაშვილმა, არის წარმატებული. უამრავი პრობლემა დაგროვდა ამასთან ერთად. წესიერ ადამიანთან რომ გქონდეს საქმე, არც ყოფილ პრეზიდენტთან იქნებოდა გამორიცხული კონსულტაციები და მისი აზრის გათვალისწინება მომავალ საქმიანობაში", - განაცხადა გია ვოლსკიმ.