„თავისუფალი დემოკრატები“ ლევან მურუსიძის მოსამართლედ არჩევას უარყოფითად აფასებენ და ამბობენ, რომ ამ გადაწყვეტილებით „სამართლიანობის აღდგენის იდეა დასამარდა“.

ირაკლი ალასანიას გუნდი მოუწოდებს, იუსტიციის უმაღლეს საბჭოში პარლამენტის კვოტით მოხვედრილ წევრებს დატოვონ თანამდებობდა.

მისი თქმით, პარლამენტის მიერ არჩეულმა წევრებს არ აქვთ მორალური უფლება, რომ საქმიანობა გააგრძელონ, რადგან მათ ხმა ლევან მურუსიძეს მისცეს.

„ეს გადაწყვეტილება პოლიტიკურად ასამარებს სამართლიანობის აღდგენის იდეას, რომლისთაც 2012 წელს „ქართული ოცნების“ კოალიციასთან ერთად შევცვალეთ ხელისუფლება. მინდა გითხრათ, რომ პარლამენტში ჩვენმა ფრაქციამ მონაწილეობა მიიღო იუსტიციის საბჭოს იმ წევრების არჩევაში, ვინც დღეს მურუსიძის კანდიდატურას ხმა მისცეს. გვინდა გავემიჯნოთ, ამ არჩეული ადამიანების გადაწყვეტილებას და მოვუწოდოთ მათ, რომ დატოვონ საკუთარი თანამდებობა. მათ არ აქვთ მორალური უფლება გაგრძელნო ის საქმიანობა, რისთვისაც ჩვენ ისინი ავირჩიეთ. ეხლა მოვდივარ ე.წ. კაბელების საქმის პროცესიდან, რომელიც კიდევ ერთი მაგალითია, ღუ როგორი სასამართლო უნდა „ქართულ ოცნებას“. ჩვენ თვეების წინ ვთქვით, რომ მთავრობა გარიგებაში შევიდა სააკაშვლის დროინდელ მოსამართლეებთან, მათ შორის მურუსიძესთან. ასევე გვქონდა საუბარი, რომ შოთაძეს შეპირდნენ მთავარ პროკურორობას. ეს აღსრულდა - გვაქვს შოთაძის პროკურატურა და მურუსიძის სასამართლო. ეს მიუღებელია საზოგადოებისთვის და ჩვენი პარტიისთვისაც. ჩვენ გვექნება თანამშრომლობა არასამთავრობოებთან, რომ დავიწყოთ საზოგადოებრივი აზრის მობილიზება ამ უმსგავსობის წინააღმდეგ“, - განაცხადა დღეს გამართულ ბრიფინგზე ირაკლი ალასანიამ.