უმრავლესობის დეპუტატი ეკა ბესელია ლევან მურუსიძის მოსამართლედ არჩევას „მძიმე გადაწყვეტილებას“ უწოდებს.

მისი თქმით, მოსამართლეების არჩევის პროცესში მმართველი გუნდიდან არავინ ჩარეულა.

"მიუხედავად იმისა, რომ არც ერთი ჩვენგანი არ ჩაერეოდა და არ ჩარეულა ამ პროცესში და იუსტიციის საბჭომ თავად მიიღო ეს, ვფიქრობ, საკმაოდ მძიმე გადაწყვეტილებაა. ჩვენი პოლიტიკური გუნდიდან ამ პროცესში არავინ ჩარეულა. იმიტომაც ვთქვით უარი, რომ იუსტიციის საბჭოში არ უნდა ყოფილიყო არც ერთი პოლიტიკოსი, რათა მათ დამოუკიდებლად მიეღოთ ეს გადაწყვეტილებები. თუ გავითვალისწინებთ წინა ისტორიებს, საზოგადოების განწყობას, ჩვენი ქვეყნისთვის და გირგვლიანის საქმეს, ვფიქრობ, რომ ეს იყო საკმაოდ მძიმე გადაწყვეტილება", - განაცხადა ბესელიამ.