უმრავლესობის წევრს ნუკრი ქანთარია არ აქვს ინფორმაცია ირაკლი ღარიბაშვილის კოალიციიდან შესაძლო წასვლასთან დაკავშირებით.

თუმცა დეპუტატი ფიქრობს, რომ ექსპრემიერი „ქართულ ოცნებაში“ უნდა დარჩეს.

„ამ საკითხზე მაქვს გარკვეული უთანხმოება, არ გამიგია არაფერი. მგონია, რომ ავტორიტეტი რომელიც ირაკლი ღარიბაშვილმა მოიპოვა, სახლში არ უნდა წაიღოს“, - აღნიშნა ქანთარიამ.

რაც შეეხება პრემიერ-მინისტრობის კანდიდატს, დეპუტატის თქმით, უმრავლესობა გიორგი კვირიკაშვილის კანდიდატურაზე უკვე შეთანხმა.

"იქნება გიორგი კვირიკაშვილი. ჩვენ უკვე შეჯერებულები ვართ. რაც შეეხება ბატონ ირაკლი ღარიბაშვილის, ის ძალიან წარმატებული პრემიერ-მინისტრი იყო, ძალიან რთულ დროს ჩაიბარა მან ეს თანამდებობა და საკმაოდ კარგი შედეგები დადო",- განაცხადა ქანთარიამ.