ირაკლი ღარიბაშვილის პრემიერ-მინისტრობიდან გადადგომის შემდეგ ვრცელდება ინფორმაცია, რომ იგი კოალიცია „ქართული ოცნებიდანაც“ მიდის.

როგორც ცნობილია, ის პარტია „ქართული ოცნების“ თავმჯდომარის პოსტსაც ტოვებს.

უმრავლესობაში აღნიშნულთან დაკავშირებით ინფორმაცია არ აქვთ. კოალიციაში უმრავლესობა მიიჩნევს, რომ ღარიბაშვილი „ქართულ ოცნებაში“ უნდა დარჩეს.

მედიაში ირაკლი ღარიბაშვილის მომავალთან დაკავშირებით რამდენიმე ვერსია გავრცელდა, მათ შორის ის, რომ ექსპრემიერი შესაძლოა თბილისის მერი გახდეს ან სებ-ის პრეზიდენტად დაინიშნოს. არ გამოირიცხება ღარიბაშვილის „ქართული ოცნების“ საარჩევნო სიის პირველი ნომრობაც.

შეგახსენებთ, ირაკლი ღარიბაშვილმა პრემიერის პოსტი 2 დღის წინ დატოვა. მის შემცვლელს საპარლამენტო უმრავლესობა დღეს დაასახელებს. არსებული ინფორმაციით, პრემიერ-მინისტრობის კანდიდატი გიორგი კვირიკაშვილი იქნება.