ხელისუფლებაში საკადრო წმენდაა მოსალოდნელი. მთავრობის მეთაურის გადადგომის შემდეგ მაღლი თანამდებობის პირები, რომლებიც ღარიბაშვილის პირად კადრებად ითვლებოდნენ სავარაუდოდ ვეღარ შეინარჩუნებენ პოსტებს.

მათ შორის შეიძლება აღმოჩნდნენ მინისტრები, გუბერნატორები და რაც მთვარია – ე.წ. კახური კლანის წევრები, ანუ ღარიბაშვილის უახლოესი გარემოცვა, რომელშიც მისი ოჯახის წევრები შედიან.

მინისტრების პორტფელების გარეშე შეიძლება შინაგან საქმეთა, სოფლის მეურნეობის, სასჯელარსრულებისა და ევროინტეგრაციის მინისტრები დარჩნენ. მათთან ერთად არსებობს ინფორმაცია, რომ თანამდებობას სახელმწიფო უსაფრთხოების სამსახურის ხელმძღვანელიც დატოვებს.

შესაძლოა თანამდებობის გარეშე დარჩეს კრიზისების მართვის საბჭოს ხელმძღვანელი მინდია ჯანელიძე და მისი მოადგილეებიც, რომელთაგან ერთ-ერთი ალექსანდრე ჭიკაიძეა.

ქართულ ოცნებაში არ გამორიცხავენ, რომ ცვლილებები შესაძლოა მტკივნეული იყოს.

ასევე მედიით გავრცელებული ინფორმაციის თანახმად, შესაძლოა ირაკლი ღარიბაშვილის მეუღლის ნათესავი ზვიად ჯანყარაშვილი პასუხისგებაში მისცენ. „ქრონიკა +“-ის რედაქტორის ინფორმაციით, ჯანყარაშვილი ღარიბაშვილ-ივანიშვილის დაპირისპირების ძირითადი მიზეზი გახდა.

„პრემიერი მისი ცოლის ნათესავებმა დაღუპეს. ის ვერ მოერია იმ კლანს. მაქვს ინფორმაცია, რომ შეიძლება მოხდეს ხმაურიანი დაჭერები“, - ამბობს კილაძე.

წყარო: "რუსთავი 2"