,,ღარიბაშვილის გადადგომა ივანიშვილის გადაწყვეტილებაა"

,,ღარიბაშვილის გადადგომა ივანიშვილის გადაწყვეტილებაა" - რატომ დასაჯეს ექსპრემიერი

პოლიტიკა - 18:31, 24 Dec, 2015

1629

არასაპარლამენტო ოპოზიცია ირაკლი ღარიბაშვილის გადადგომაას ბიძინა ივანიშვილის თამაშს უწოდებს.

"ახალი მემარჯვენეების" თავმჯდომარე მამუკა კაციტაძის განცხადებით, წინასაარჩევნოდ ბიძინა ივანიშვილი მთავრობას ნეგატიური სახეებისგან წმენდს.
"ამ ნეგატივების მთავრი მოქმედი გმირი ირაკლი ღარიბაშვილი იყო. თუ რატომ დასაჯეს ღარიბაშვილი ამას პარასკევევს ვიტყვი"- აღნიშნა მან.
კაციტაძე ღარიბაშვილის "გადაყენების" ერთ-ერთ მიზეზად ლევან მურუსიძის საკითხს უკავშირებს.
"ეროვნულ-დემოკრატიული პარტიის" თავმჯდომარე ბაჩუკი ქარდავა კი აცხადებს, რომ გუშინ ღარიბაშვილს მისი პირადი გადაწყვეტილება არ გაუხმოვანებია.
ედპ-ს ლიდერის თქმით, ღარიბაშვილის გადაყენების გადაწყვეტილების ავტორი საქართველოს ყოფილი პრემიერ-მინისტრი ბიძინა ივანიშვილია, რომელიც ქვეყანას კულუარულად მართავს.
"ფაქტია, რომ ეს გადაწყვეტილება არ მიუღია ირაკლი ღარიბაშვილს, გადაწყვეტილება მიიღო იმ ადამიანმა, რომელიც ამ წლების განმავლობაში მართავდა ქვეყანას - ეს ბიძინა ივანიშვილია"- განაცხადა ბაჩუკი ქარდავამ.
ოლიგარქის კვალზე საუბრობს საქართველოს ევროპელი დემოკრატების ლიდერის პაატა დავითაც.
მისი შეფასებით,პროცესი მართულია ივანიშვილის მხრიდან.
"ღიად ჩანს, რომ საქართველოში მნიშვნელობა არ აქვს პრემიერის თუ მინისტრის პოსტს, ყველა იქნება მარიონეტი"- აღნიშნა დავითაიამ.
ირაკლი ღარიბაშვილის მოულოდნელი გადადგომა შეაფასა "დემოკრატიული მოძრაობის" ერთ-ერთმა წევრმა, გიორგი ახვლედიანის თქმით, "ფიგურა, რომელიც ქვეყანას მართავდა, აღმოჩნდა რომ არაფერს წარმოადგენდა".
"ის იყო დანიშნული, არაფერს წარმოადგენდა"- თქვა ახვლედიანმა.
რაც შეეხება კვირიკაშვილისა და სერგეენკოს კანდიდატურებს, ოპოზიცია ამბობს, რომ ივანიშვილის ძალაუფლების პირობებში ახალი პრემიერიც ვერ იქნება დამოუკიდებელი.