თინა ხიდაშელის თქმით, მიუხედავად იმისა, რომ ბიძინა ივანიშვილს საზოგადოებაში და პოლიტიკურ წრეებში დიდი ავტორიტეტი აქვს ამით ბოროტად არ სარგებლობს. აღნიშნული განცხადება თინა ხიდაშელმა დღეს განხორციელებულ სამთავრობო ცვლილებებში ბიძინა ივანიშვილის როლზე საუბრისას გააკეთა:

„ვთვლი რომ ვარ ერთერთი იმ ადამიანთაგანი, რომელმაც შევინარჩუნე ურთიერთობა ბიძინა ივანიშვილთან. მე არც არასოდეს დამიმალავს და კიდევ ერთხელ ვადასტურებ ამას. როდესაც განსაკუთრებით მძიმე გადაწყვეტილებები მქონია დამირეკავს და მითხოვია მისთვის შეხვედრა. 90% შემთხვევებში ის უარს მეუბნება დ გადაწყვეტილების მიღების შემდეგ მხვდება ხოლმე. სრულიად აბსურდულად მიმაჩნია ის ბრალდებები, რომელიც ბიძინა ივანიშვილის მიმართ არის, მაგრამ მესმის, როცა არაფერი აღარ გრჩება სათქმელი უნდა მოიგონო ამბავი, რომელიც ბუნებაში არ არსებობს. მისი აზრი არის ძალიან მნიშვნელოვანი ქართული საზოგადოებისთვის, მაგრამ ის არ სარგებლობს ბოროტად ამ ავტორიტეტით“- განაცხადა თინა ხიდაშელმა "კურიერთან" საუბრისას.

შეგახსენებთ, რამდენიმე საათის წინ საქართველოს პრემიერ-მინისტრმა ირაკლი ღარიბაშვილმა თანამდებობა დატოვა. ოპოზიციის განცხადებით აღნიშნული გადაწყვეტილების მიღება ბიძინა ივანიშვილის ჩარევის შედეგად მოხდა.