ხადური, ზაქარეიშვილი, სანიკიძე და დუმბაძე

ხადური, ზაქარეიშვილი, სანიკიძე და დუმბაძე - ვინ გაყვება პრემიერს

პოლიტიკა - 17:53, 23 Dec, 2015

3156

პრემიერ-მინისტრის ბრიფინგი გადაიდო. მთავრობის ადმინისტრაციის პრესსამსახურის ინფორმაციით, ირაკლი ღარიბაშვილი განცხადებას არა 18:00 - ზე არამედ 20:00 საათზე გააკეთებს.

ოფიციალური ინფორმაცია, იმის შესახებ, თუ რა თემაზე გამართავს მთავრობის მეთაური ბრიფინგს, ცნობილი არ არის. თუმცა, დღეს დილიდან აქტიურად ვრცელდება ინფორმაცია, რომ ღარიბაშვილი თანამდებობის დატოვებას გეგმავს.

გავრცელებული ინფორმაციით, პრემიერ-მინისტრ ირაკლი ღარიბაშვილს ვიცე-პრემიერი გიორგი კვირიკაშვილი შეცვლის.

სამთავრობო კულუარებში კი ადასტურებენ ინფორმაციას, რომ საკითხი უკვე გადაწყვეტილია.

დაუდასტურებელი ინფორმაციით, ცვლილებები განხორციელდება მინისტრთა კაბინეტში.

ამ დროსითვის არსებული ინფორმაციით, მინისტრის პორთფელს დაემშვიდობება ფინანსთა მინისტრი ნოდარ ხადური, სავარაუდოდ მის ბედს განათლებისა და მეცნიერების მინისტრი თამარ სანიკიძეც გაიზიარებს, საუბრობენ შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილის გადადგომის შესახებაც.

კულუარული ინფორმაციით პოსტს დატოვებს დიასპორის საკითხებში სახელმწიფო მინისტრი გელა დუმბაძე.

რაც შეეხება თვითონ ღარიბაშვილს, მედიის ინგორმაციით, ის პოლიტიკურ მოღვაწეობას „ქართულ ოცნებაში“ გააგრძელებს.

გავრცელებული ინფორმაციით, ღარიბაშვილი მართველი პარტიის საარჩევნო შტაბს უხელმძღვანელებს და კოალიცია "ქართული ოცნების" სიის პირველი ნომერი იქნება.