ქუთაისისკენ მიმავალი ინგა გრიგოლია სოციალურ ქსელში წერს, რომ მას რეპორტიორობა დიდ ბედნიერებას ანიჭებს. როგორც თავად აღნიშნავს, ქუთაისში პატარა, მოკრძალებული სიუჟეტისთვის მიდის და ამ მდგომარეობაში თავს ძალიან კარგად გრძნობს, რადგან ამ საქმეს მონატრებულია.

„სულ ვამბობ რა, ყველაზე დიდ ბედნიერებას რეპორტიორობა მანიჭებს... დიდი ხანია, სტუდიაში მუშაობის ხიბლიდან გამოსული ვარ და მიკროფონით სირბილია ჩემი ყველაზე საყვარელი საქმე. აი, დილაადრიან მანქანაში რომ ჯდები და გადაღებაზე გარბიხარ. ესაა ჩემი ყველაზე საყვარელი ჟურნალისტური საუზმე,-გზაში ასაღები კაპუჩინო, სუხარიკები, წყალი, კარგი მასალა და სულ ეგაა ჩემი ბედნიერება“- წერს ინგა ფეისბუკის გვერდზე.