შეწყალების კომისიის საქმეზე პარლამენტში საგამოძიებო კომისიის შექმნის საკითხი შესაძლოა „თავისუფალმა დემოკრატებმაც“ დააყენონ.

ამის შესახებ პარტიის წევრმა ნინო გოგუაძემ განაცხადა. ალასანიას გუნდის წევრები კომისიის შექმნასთან დაკავშირებით ალეკო ელისაშვილის ინიციატივას მიესალმებიან.

„ჩვენ დაველოდებით პროკურატურას, მას, ბუნებრივად, ერთი თვე ექნება, რომ ყველა კითხვას, საზოგადოებისთვის, გასცეს პასუხი, დაველოდებით მის საქმიანობას. დაველოდებით, რა განცხადებას გააკეთებს ამ მიმართვის პირდაპირი ადრესატი, ბატონი დავით უსუფაშვილი და თუ უმრავლესობა არ დააპირებს ამ კომისიის შექმნას, ჩვენ, „თავისუფალი დემოკრატები“ აუცილებლად დავსვამთ ამ საკითხს და ამის ლობისტი ვიქნებით პარლამენტში“, - განაცხადა გოგუაძემ.