პარლამენტის თავმჯდომარე დავით უსუფაშვილი დროებითი საპარლამენტო კომისიის შექმნასთან დაკავშირებით ალეკო ელისაშვილის ინიციატივას ეხმაურება. როგორც „მაესტროს“ ეთერში უსუფაშვილმა განაცხადა, ის ამ კომისიის შექმნის აუცილებლობას ვერ ხედავს.

უსუფაშვილი ასევე, არ თვლის საჭიროდ, საკუთარ პირველ მოადგილესა და საპროკურორო საბჭოს წევრს უფლებამოსილება შეუჩერდეთ.

„არანაირი საგამოძიებო კომისია ამ კონკრეტულ საქმეში პროკურატურის საქმეს ვერ შეასრულებს. რთული იქნება პარლამენტისთვის, რომ ჩვენ ჩავანაცვლოთ სამართალდამცავი სისტემა და ვაკეთოთ მათი საქმე. სახელმწიფო ორგანოებს უნდა მივცეთ საშუალება გამოიძიონ ეს საქმე“, - განაცხადა უსუფაშვილმა