საქართველოს პრემიერ-მინისტრი პოლიციელებს გმირობისთვის და თავდადებისთვის მადლობას კიდევ ერთხელ უხდის.

როგორც ირაკლი ღარიბაშვილმა მთავრობის 3 წლიანი ანგარიშის წარდგენის დროს განაცხადა, პოლიცია დღეს აღარ არის პოლიტიკური ოპონენტების დევნის და კონტროლის იარაღი.

„იგი საზოგადოებრივი უასაფრთხოების და წესრიგის გარანტია და მთლიანად ხალხისთვის და არა პრივილეგირებული ჯგუფებისთვის. რა თქმა უნდა ეს სისტემა მთლიანად ეფუძნება თითოეული პოლიციელის თავდადებას. მე ძალიან ვწუხვარ, როცა ხშირად მესმის დაუსაბუთებელი ბრალდება პოლიციელების მისამართით. მე მინდა დავიჯერო, რომ ამ ადამიანებს არ ესმით უბრალოდ, თუ რა მძიმე შრომას ეწევიან პოლიციელები. მათ აქვთ ძალიან მძიმე შრომა, უძილო ღამეები, მუხლჩაუხრელი მუშაობა ჩვენი ხალხის სამსახურში და ჩვენი ქვეყნის სამსახურში. ამიტომ აუცილებელია - ეს არის ჩვენი ვალდებულება - თითოეული მოქალქის ვალდებულება, რომ ამ ხალხს სათანადოდ მოვეპყრათ და ვუთხრათ მადლობა, იმისთვის რომ იმსახურებენ ამ მადლობას, იმისთვის რომ ისინი ემსახურებიან ჩვენს ქვეყანას და ჩვენს ხალხს. იცავენ საკუთარი სიცოცხლის ფასად ჩვენი მოქალაქეების უსაფრთხოებას - ამიტომ მე მინდა ყველას, თითოეულ პოლიციელს გადავუხადო მადლობა, მათი გმირობისთვის მათი თავდადებისთვის“, - აღნიშნა პრემიერმა.