ახლგაზრდა მსახიობის, გიორგი ყორღანაშვილის ჯანმრთელობის პრობლემის გამო 2013 წელს, უამრავი ადამიანი გაერთიანდა და ყველამ ერთად შეძლო მისი მკურნალობისთვის საჭირო თანხის შეგროვება. ძვლის ტვინის გადანერგვის ურთულესი პროცედურისთვის სასწრაფოდ უნდა შეგროვილიყო 400 000 დოლარი. ასეც მოხდა... სასიხარულოა ის ფაქტი, რომ გიორგიმ უმძიმესი დაავადება დაამარცხა და საქართველოში დაბრუნების შემდეგ ცხოვრების ჩვეულ რითმს დაუბრუნდა. გიორგის ცხოვრებაში კიდევ ერთი სიახლეა, გუშინ მან საყვარელი მანდილოსანი დანიშნა და მალე ქორწილსაც გეგმავენ.

„თავს ძალიან კარგად ვგრძნობ, წარსული წარსულს ჩავაბარე და ჩემი მომავალი არის ჩემი მეუღლე, სალი ბეჟიაშვილი, რომელთან ერთადაც ვაპირებ დიდხანს და ბედნიერად ცხოვრებას. ქორწილის რიცხვი ჯერჯერობით არ გვაქვს გადაწყვეტილი, მაგრამ უახლოეს მომავალში ვგეგმავთ“- თქვა გიორგი ყორღანაშვილმა „ნიუპოსტთან“ საუბრისას.