პრემიერ-მინისტრის განცხადებით, ბოლო სამ წელში საქართველოში უმუშევრობა 2,6%-ით შემცირდა.

ამის შესახებ ირაკლი ღარიბაშვილმა მთავრობის საქმიანობის სამწლიანი ანგარიშის წარდგენისას განაცხადა.

პრემიერის განმარტებით, მთავრობა მოწოდებულია იმისთვის, რომ განახორციელოს ინტენსიური რეფორმები, რომელიც ქვეყნის ეკონომიკის გაჯანსაღებას და მდგრადი ეკონომიკური განვითარების შედეგად ყველა სფეროში წინსვლას შეუქცევადს გახდის.

"2003-2012 წლებში უმუშევრობა 3,5 %-ით გაიზარდა. ბოლო სამ წელიწადში უმუშევრობა შემცირდა 2,6%-ით. 2014 წელს საწარმოებსა და ორგანიზაციებში დასაქმებულთა საშუალო რაოდენობამ შეადგინა 930 ათასი ადამიანი. ეს დაახლოებით, 90 ათასით მეტია 2012 წლის მაჩვენებელთან შედარებით," - განაცხადა ირაკლი ღარიბაშვილმა.