"ერთიანი ნაციონალური მოძრაობის" აღმასრულებელმა მდივანმა სერგო რატიანი NDI -ს კვლევები შედეგები შეაფასა.

მისი თქმით, კვლევებიდან ჩანს, რომ იზრდება მოსახლეობის რაოდენობა ვისი მდგომ მდგომარეობა გაუარესდა. ამიტომ დეპუტატი გამოსავალს ხელისუფლების ცვლილებაში ხედავს.

„ამჯერად გაზრდილია იმ ადამიანების რიცხვი, რომლებიც თვლიან, რომ ქვეყანა არასწორი მიმართულებით მიდის. პრობლემატურად მეჩვენება ისიც, რომ იზრდება იმ ადამიანების რაოდენობა, რომლებიც ამბობენ, რომ პირადად მათი მდგომარეობა გაუარესებულია. ეს იმ ფონზე, როცა ქვეყნის ეკონომიკური კრიზისიდან გამოსვლის არანაირი გეგმა არ ჩანს და მთავრობა არც ფიქრობს ამაზე. ვფიქრობ, ერთადერთი გამოსავლია ის, რომ ხელისუფლება შეიცვალოს, რასასც ხალხი გააკეთებს, რადგან მუდმივად იზრდება მათი უკმაყოფილება“, - განაცხადა რატიანმა.