იუსტიციის მინისტრი თეა წულუკიანი NDI-ს კვლევებზე კომენტარს არ აკეთებს. როგორც თეა წულუკიანმა განაცხადა, ეს საკითხი მისთვის სალაპრაკო თემა არ არის.

"ეს ჩემთვის არ არის თემა. ჩემთვის თემა დღეს არის, სამი წლის განმავლობაში ჩემი მთავრობის ხალხისთვის გაკეთებული მასშტაბური საქმე, რომლის შესახებაც საქართველოს პრემიერ-მინისტრი დეტალურ ანგარიშს გააკეთებს", - განაცხადა თეა წულუკიანმა.

ეროვნულ-დემოკრატიულმა ინსტიტუტმა (NDI) კვლევის საველე სამუშაოები 17 ნოემბერი-7 დეკემბრის პერიოდში ჩაატარა. საქართველოს მასშტაბით გამოიკითხა 1881 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.