ეროვნულ-დემოკრატიული ინსტიტუტი (NDI) მიმდინარე წლის ნოემბრის საზოგადოებრივი აზრის კვლევის შედეგებს აქვეყნებს. გამოკითხულთა 24 %-ისთვის მისაღებია ევრაზიულ კავშირში გაწევრიანება. 58%-ი ევროკავშირში გაწევრიანებას ემხრობა .გამოკითხულთა 8% არცერთ მოსაზრებას არ ეთანხმება, 8%-მა არ იცის, ხოლო 2% პასუხზე უარს აცხადებს.

აგვისტოს კვლევასთან შედარებით იმ რესპონდენტთა რაოდენობა, ვინც ევრაზიულ კავშირს ირჩევს 4%-ით შემცირებულია. 11 %-ით გაზრდილია ევროკავშირში გაწევრიანების მომხრეთა რაოდენობა.

კვლევის საველე სამუშაოები ჩატარდა 17 ნოემბერი-7 დეკემბრის პერიოდში. საქართველოს მასშტაბით გამოიკითხა 1881 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.