NDI-ის მიერ ჩატარებული გამოკითხვის მიხედვით, გაიზარდა იმ ადამიანების რაოდენობა, ვისაც არ აქვს გადაწყვეტილი თუ ვის მისცემდა ხმას, ხვალ რომ საპარლამენტო არჩევნები იყოს.

კითხვაზე, ხვალ რომ საპარლამენტო არჩევნები იყოს, ვის მისცემდით ხმას, გამოკითხულთა 60% ამბობს, რომ გადსაწყვეტილი არ აქვს. გადაწყვეტილება მიღებული აქვს 35%-ს. 3%-ს კითხვაზე პასუხი არ აქვს.

NDI-ს მიერ ჩატარებული წინა კვლევის მიხედვით, 59%-ს არ ჰქონდა გადაწყვეტილი, თუ ვის მისცემდა ხმას.

კვლევის საველე სამუშაოები ჩატარდა 17 ნოემბერი- 7 დეკემბრის პერიოდში. საქართველოს მასშტაბით გამოიკითხა 1881 ადამიანი. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.