ადამიანის უფლებათა კომიტეტის თავმჯდომარე, პოლიტპატიმრების სიების გარშემო აგორებულ სკანდალს ნაციონალურ მოძრაობას უკავშირებს.

„პოლიტპატიმრების აღიარება პარლამენტში ჩვენი გუნდის მხრიდან და ჩვენი კომიტეტის, რომელიც ორგანიზატორი იყო ამ პროცესის, პარლამეტის კოლექტიური, პრინციპული გადაწყევტილება იყო. მე ვიცი, რომ ეს ნაციონალური მოძრაობისთვის იყო ყველაზე დიდი დარტყმა და ამ გადაწყვეტილების გამო იმ დღიდან ბრძოლა არ შეწყვეტილა,“ - განაცხადა ეკა ბესელიამ.

ამასთანავე ეკე ბესელია, სუს-ის მიერ ალეკო ელისაშვილის ცემის დაგეგმვასთან დაკავშირებით ნაციონალური მოძრაობის წევრის ირმა ნადირაშვილის მიერ გავრცელებულ ინფორმაციასაც გამოეხმაურა და აღნიშნა, რომ მსგავს სცენარებს და სიუჟეტებს ნაციონალური მოძრაობა იგონებს:

„ასეთ სცენარს ადგენდა თავის დროზე ნაციონალური მოძრაობა და ქალბატონი ნადირაშვილი ამ სცენარის დაწერაში თავად მონაწილეობდა ხოლმე. ის თავად არის ერთ-ერთი ძალიან აქტიური მონაწილე ბევრი უკანონო ქმედების. ამიტომ ის, რომ ასეთ განცხადებებს აკეთებს არის სასაცილო. ეს მას უკეთებია თავის პრეზიდენტთან ერთად. ასეთ სიუჟეტებს იგონებდა და დგამდა. ეს არის ხელწერა იმ გუნდის, რომელსაც წარმოადგენს ნადირაშვილი,“ - განაცხადა ეკა ბესელიამ.

ბესელიამ განაცხადა, რომ ყველა ის ადამიანი, რომელიც საუბრობს ფაქტების და კონკრეტული მტკიცებულებების გარეშე, ისინი აგებენ კანონის წინაშე პასუხს.

ეკა ბესელიამ ასევე ისაუბრა, რამდენიმე დღის წინ, ქალთა კოლონიის ყოფილი თანამშრომლის მიერ გაკეთებულ განცხადებასთან დაკავშირებით, რომელიც უკავშირდებოდა ანასტასია ზაუტაშვილთან ეკა ბესელიას და მანანა კობახიძის შეხვედრებს განაცხადა, რომ ის ყოველთვის ხვდება და მომავალშიც შეხვდება პატიმრებს.

„მე მსჯავრდებულებს ვხვდებოდი, ვხვდები და კიდევ შევხვდები. მტკიცებულებების გარეშე, დასაბუთების გარეშე, მხოლოდ ცილისმწამებლური განცხადებები აკეთოს, ყველა მათგანს გავცე შესაბამისი პასუხი მე ამისთვის მზად ვარ, ამისთვის პირდაპირი ეთერი იქნება ყველაზე კარგი ფორმა, რომ საზოგადოებამ სრულად გაიგოს პოზიცია. ცილისმწამებლური განცხადებები იქნება, ბევრი კომიკური სცენა იქნება, ანონიმური პერსონებით, მაგრამ არანაირი ფაქტები, არანაირი მტკიცებულებები, თუმცა ყველა ის ადამიანები, ვისაც თქვენ ხელს უწყობთ, რომ ასე ცილისმწამებლური განცხადებები ყოველგვარი ფაქტების და მტკიცებების გარეშე საჯარო უპასუხისმგებლო ცრუ განცხადებებს აკეთებდეს, მათ მოუწევთ ამაზე პასუხების გაცემა,“ - განაცხადა ეკა ბესელიამ.