„დემოკრატიულ მოძრაობის“ ლიდერი ნინო ბურჯანაძე ვარაუდობს, რომ ვიზალიბერალიზაციამ შესაძლოა პოზიტივთან ერთად, გარკვეული პრობლემები გამოიწვიოს.

ბურჯანაძის თქმით, დღეს გამოქვეყნებული ანგარიში ტექნიკური ეტაპია, რომელსაც სერიოზული პოლიტიკური ეტაპი უნდა მოჰყვეს.

„ძალიან კარგი თუ საქართველოს ხელისუფლებამ ყველა საშინაო დავალება პირველკასელივით შეასრულა. ამას მივესლმები, რადგან ეს პოზიტიურია. უბრალოდ ვიცი, რომ ეს არის პირველი ტექნიკური ეტაპი, რომელსაც მოჰყვება შემდეგ სერიოზული პოლიტიკური ეტაპი გადაწყვეტილების მიღების. სერიოზული პრობლემებიც შეიძლება გაჩნდეს პოზიტივთან ერთად, რადგან მოსახლეობის უმეტეს ნაწილს სერიოზული ეკონომიკური პრობლემები აქვს და მოსახლეობის დიდი ნაწილი საქართველოში თავის ადგილს ვერ პოულობს“, - აცხადებს ბურჯანაძე.