ნორვეგიულ ტურისტად შერაცხული ქართველი ოთო კობახიძის ფოტომ სოციალური ქსელი მოიარა და საყოველთაო განხილვის საგანი გახდა. თემამ ისეთი აქტუალობა შეიძინა, რომ ოთო კობახიძეს სოციალურ ქსელში განმარტების გაკეთება და ქართველობის „დასაბრუნებლად“ პასპორტის ჩვენება მოუწია:

„რა დრო დამიდგა, პასპორტის ჩვენება მიწევს წართმეული ქართველობის დასაბრუნებლად.

მოკლედ, ორი თვის წინ, თბილისში გატარებული მძიმე ორი კვირის შემდეგ, მე და ჩემმა მეგობარმა ქეთიმ ყაზბეგში ასვლა გადავწყვიტეთ, რომ ცოტა სუფთა ჰაერი მაინც ჩაგვესუნთქა. და გზად რომ ამდენი ნაგავი ვნახეთ, გერგეტელ ბერს ტომარა გამოვართვით, მეორე ტომარა გზაში ვიპოვეთ და იქვე 50-100 მეტრში მოვაგროვეთ მთელი ის ნაგავი.

საქმე ისაა, რომ მსგავსი რამ მართლა გააკეთა ჩემმა ოსლოელმა მეგობარმა, და იმ ფოტოს რომ ვდებდი, აღვნიშნე, თუ ნორვეგიელი ალაგებს აქაურობას, ჩვენ როგორ არ უნდა ვიზრუნოთ ჩვენსავე ქვეყანაზე თქო.

გუშინ კიდევ ვიღაცებმა ნახეს ეგ ფოტო, წაკითხულიდან შინაარსი ვერ გამოიტანეს და ფოტოზე მე ნორვეგიელი ტურისტი ვეგონე. იმანაც მართლა ჩამოიტანა ზაფხულში ნაგავი გერგეტიდან, მაგრამ იმ ფოტოზე მე ვარ და ოქტომბერშია გადაღებული.

სურვილს, რომ ზრუნავდე გარემოზე, ნებისმიერი ქვეყნის მოქალაქეს შეიძლება გააჩნდეს. ბევრ ჩემ თსუ-ელ მეგობარს უთრევია სხვების დაყრილი დაგავი და უახლოეს დასახლებულ პუნქტამდე, კილომეტრები ზურგზე მოკიდებული ნაგვით უვლია.

რა არ წავიკითხე იმ ფოტოზე, რომ ქართველები საშინელი ხალხი ვართ - უკაცრავად, მე ქართველი ვარ და ყველას ერთ ქვაბში ნუ მოგვხარშავთ. ნაგვის დაყრა თუ შეგვიძლია, შეგვიძლია - მისი აკრეფვაც.

მეორეც, ვიღაცებმა, როგორც ვითომ ნორვეგიელს მაგინეს,მერე ჩემს დას შეურაცხყოფა მიაყენეს და ა.შ. ტვინში იმდენს უჭირს , უფრო და უფრო ვრწმუნდები, რომ ძალიან ხელმისაწვდომი ჯანდაცვა ნამდვილად გვჭირდება...
ვიღაცამ მაგ ცცაბო კლდეზე ნაგავი როგორ ჩამოიტანაო..
ვიღაცამ ნორვეგიელი გვეტენებაო (სამყაროს ერთ-ერთი უგანვითარებულესი ქვეყნის ნორვეგიის მოქალაქე რომელიმე ქართველს რატომ უნდა გეტენებოდეთ, მითხარით)...

მიხარია, რომ/თუ ცოტა წვლილი შევიტანეთ ქეთიმ და მე იმაში, რომ ათასობით ადამიანი ავალაპარაკეთ, რომ უკიდურესად დანაგვიანებულ გარემოში ვცხოვრობთ და რომ ეს და ჩვენი ბუნებისადმი დამოკიდებულება, სრულებით შესაცვლელია.

პ.ს. იმედია ამ საღამოს მეცოდინება, რომ ამ პასპორტით 25-30-ით მეტ ქვეყანაში შევალ უვიზოდ.“- წერს ოთო კობახიძე.