საპარლამენტო უმრავლესობის წევრი ბერძენიშვილი მიიჩნევს, რომ სავიზო რეჟიმის გაუქმებასთან დაკავშირებით ვლადიმერ პუტინის განცხადება ნორმალურია იმ შემთხვევაში თუ რუსეთის ხელისუფლება ამას უპირობოდ გააკეთებს. ამის შესახებ ბერძენიშვილმა ჟურნალისტებთან საუბრისას განაცხადა.

"თუ რუსეთის ხელისუფლება უპირობოდ მიიღებს გადაწყვეტილებას, რომ უვიზო მიმოსვლა დააწესოს საქართველოს მოქალაქეებისთვის, ეს იქნება ნორმალური. ჩვენ ამ საკითხზე რაიმე გავლენას ვერ მოვახდენთ და ვერავითარ შემხვედრ ნაბიჯს ვერ გადავდგამთ. თუ საუბარია დიპლომატიური ურთიერთობების აღდგენისკენ გადასადგმელ ნაბიჯებზე, ერთ ქვეყანაში სამი საელჩო არ შეიძლება იყოს- თბილისში, სოხუმში და ცხინვალში", - განაცხადა დავით ბერძენიშვილმა.