პარალამენტის ვიდე-სპიკერი მანანა კობახიძე სპექტაკლს უწოდებს გუშინ გასულ სიუჟეტს, სადაც ქალთა კოლონიის ყოფილმა თანამშრომელმა განაცხადა, რომ კობახიძე ციხეში ანასტასია ზაუტაშვილს ხვდებოდა.

კობახიძის თქმით, მას შემდეგ რაც ხელისუფლებაში არც ანასტასია ზაუტაშვილს და არც სხვა მსჯავრდებულებს არ შეხვედრია.

„თუ თქვენ გუშინდელ სიუჟეტზე საუბრობთ, ეს იყო, მაპატიეთ, მაგრამ ძალიან პრიმიტიული და სულელური სპექტაკლი, რომელზეც სერიოზულ კომენტარს ვერ გავაკეთებ. ეს არის მცდელობა ადამიანს ესროლო ტალახი და საზოგადოება შეიყვანო შეცდომაში. არც დღე, არც ღამე ქალთა კოლონიაში არ მივსულვარ. ეს არის ზღაპარი, რომელსაც დგამს გვარამია, ვერ გეტყვით ვის სჭირდება ყველაფერი. ვერ გეტყვით ვის ინტერესებშია, მაგრამ ეს არის სასაცილო ზღაპარი. არასდროს, არათუ ზაუტაშვილთან არც ერთ პატიმართან არ ვყოფილვარ არც დღისით, არც ღამით და არც სავსე მთვარეზე. ეს ყველაფერი ორკესტრირებულია. ეს არის "რუსთავი 2", კილაძე, გვარამია, "ნაციონალური მოძრაობა", ელისაშვილი - ტანდემშია ეს ყველაფერი", - აცხადებს მანანა კობახიძე.