სკანდალური ინტერვიუ: ,, 200 ათასი კობახიძეს გადაუხადა... კოკაინზე დაკავებული ყველა პირი უნდა გაეყვანათ“

პოლიტიკა - 21:27, 16 Dec, 2015

7120

ქალთა კოლონიის ყოფილი თანამშომელი ,,კურიერს" სკანდალური ინტერვიუს აძლევს. პირი, რომელმაც ინკოგნიტოდ დარჩენა ისურვა, მეხუთე დაწესებულებაზე და იმ პრივილეგიებზე, საუბრობს, რაც ხმაურიან პატიმარს, ანასტასია ზაუტაშვილს უკავშირდება.

კოლონიის ყოფილმა თანამშრომელმა დაასახელა კოალიციის ის ლიდერები, ვინც კოლონიას გვიან ღამით სტუმრობდნენ.

კერძოდ, საუბარია მანანა კობახიძის და ეკა ბესელიას სტუმრობაზე. როგორც რესპოდენტი ამბობს, ანასტასია ზაუტაშვილი კობახიძეს და ბესელიას დირექტორის კაბინეტში ხვდებოდა.

მას აქვს ინფორმაცია, რომ ანასტასია ზაუტაშვილს თავისუფლების სანაცვლოდ გადახდილი ჰქონდა 200 ათასი ლარი. მას შემდეგ კი რაც ის პოლიტპატიმართა სიაში არ მოხვდა ურეკავდა მანანა კობახიძეს, რომელიც მსჯავრდებულის ზარებს აღარ პასუხობდა.

"იყო შემთხვევა, როდესაც ანასტასია ზაუტაშვილი გაუყვანიათ ღამით დირექტორის კაბინეტში. ჩემი ინფორმაციით, მას ბესელია და კობახიძეს სტუმრობდნენ. ზოგადად, ბესელია და კობახიძე რომ მიდიოდნენ კოლონიაში, ჯერ ანასტასიას ვხდებოდნენ ცალკე და მერე - ყველას ერთად. დირექტორის კაბინეტში რომ ჩაგვყავდა ზაუტაშვილი, რამოდენიმე საათი რჩებოდა იქ. შემდეგ როდესაც გამოდიოდა იქიდან თვითონ ამბობდა, რომ კობახიძეს შეხვდა და ასახელებდა რამოდენიმე თანამდებობის პირს, რომელიც მისი თქმით საქმეს უკეთებდნენ. მსჯავრდებულები ამბობდნენ, რომ 200 ათასი აქვს გადახდილი და მალე გავაო. როგორც ვიცი, კოკაინის საქმეზე დაკავებული ყველა პირი უნდა გაეყვანათ. კონკრეტულად ეს 200 ათასი გადაუხადა კობახიძეს, ეს მოხდა იმ დროს, როდესაც მანანა კობახიძე უკვე პარლამენტში იყო", - ამბობს ციხის თანამშრომელი "კურიერთან" საუბარში.