ვიცე-სპიკერი მანანა კობახიძე შეწყალების საქმეზე პრეზიდენტის დაკითხვას მიზანშეწონილად მიიჩნევს.

კობახიძეს მიაჩნია, რომ გიორგი მარგველაშვილს გამოძიებისთვის "რაღაც აქვს სათქმელი".

კობახიძე ასევე მიიჩნევს, რომ თუ პრეზიდენტს შეწყალების კომისიაში არსებულ კორუფციულ ფაქტებზე ინფორმაცია ჰქონდა, აქამდე უნდა მოეხდინა რეაგირება.

"მეღიმება, პრეზიდენტები და მაღალი პოლიტიკური პასუხისმგებლობის მქონე პირები ასე არ იქცევიან, ყურში ჩურჩულით და რაღაც ზეპირი ინფორმაციის მიწოდებით არ უნდა კმაყოფილდნენ თუ ქვეყანაში მაღალი თანამდებობის პირები კორუფციულ ორგანიზებულ დანაშაულს ჩადიოდნენ, მათ შორის ადამიანი, რომელიც არაერთხელ ასრულებს პარლამენტის თავმჯდომარის მოვალეობას, თქვენი მონამორჩილი, თუ ჩართული იყო კორუფციულ საქმიანობაში და ეს პრეზიდენტმა იცოდა და რეაგირება ვერ მოახდინა, და ფაქტია ვერ მოახდინა და ეს ადამიანი თუ ისევ აგრძელებს კორუფციულ საქმიანობას და პრეზიდენტი ვერ რეაგირებს ეს ძალიან სირცხვილია, ქვეყნის და ამ ინსტიტუტის სირცხვილია. ამიტომ აუცილებლად ბატონმა გიორგიმ უნდა ბრძანოს, რა ინფორმაცია ჰქონდა, მაგრამ უკვე ძალიან მეცინება. ვფიქრობ, პრეზიდენტს გამოძიებისთვის რაღაც სათქმელი აქვს", - განაცხადა მანანა კობახიძემ.