გიორგი ნიჟარაძე რაგბის კავშირის საპრეზიდენტო არჩევნებში საკუთარი კანდიდატურის მოხსნის გადაწყვეტილებას პირად გადაწყვეტილებას უკავშირებს.

მისი თქმით, ამ გადაწყვეტილების მიღება მისთვის ადვილი არ იყო და ამაზე დიდი ხნის განმავლობაში ფიქრობდა.

„ამდენი ტკივილი არასოდეს არავის მოუყენებია ჩემთვის. ეშმაკებს ნუ ეძებთ გარეთ. ქართულ კლასიკაში ეძებეთ მაგალითები. რაგბი არის ყველაფერზე მეტი. რაგბი აქამდე მოიყვანა თაობებმა წესებით და ტრადიციებით. რაგბი იყო, არის და იქნება დიდი ოჯახი, მიუხედავად იმისა, რომ ვიღაცებს სურთ, ეს ოჯახი აღარ იყოს. აღნიშნული გადაწყვეტილება იმიტომ მივიღე, რომ პრეზიდენტის სკამი ჩემთვის მნიშვნელოვანი არ არის. ჩემი გადაწყვეტილება არის იმისთვის, რომ ყველას ვანახო, სკამი ჩემთვის ნულია. პრეზიდენტობა არ არის ფუფუნება, არ არის პრივილეგია. ის დიდი პასუხისმგებლობაა. ეს არის ჩემი პიროვნული, პირადი გადაწყვეტილება“, - განაცხადა ნიჟარაძემ.