"ძალიანაც კარგი, რომ ეკა ბესელიამაც იწვნია, მანანა კობახიძემაც და უსუფაშვილსაც მოხვდა"- კაკაბაძე

პოლიტიკა - 15:34, 16 Dec, 2015

4877

პოლიტპატიმრები საკუთარი საქმეების გადახედვის მოთხოვნით პარლამენტს მიმართავენ. ამის შესახებ განცხადება ორგანიზაცია "ყოფილი პოლიტპატიმრები - ადამიანის უფლებებისთვის" თავმჯდომარემ ნანა კაკაბაძემ გააკეთა. პოლიტპატიმართა სიის ერთერთი ავტორის თქმით სიაში ადამიანები რაიმე გარიგების მიხედვით არ შესულან და ყველა მათგანი ამ სტატუსს ნამდვილად იმსახურებდა. კაკაბაძე პოლიტპატიმრების სიის სკანდალს ხელისუფლების უმოქმედობას უკავშირებს და აცხადებს, რომ ამ სტატუსით გატავისუფლებული ადამიანების საქმეების გადახედვა ამ დრომდე არ მომხდარა.

„კეთილი ინებეთ და ჩვენი საქმეები გადახედეთ, ეს იქნება პოლიტპატიმრების კატეგორიული მოთხოვნა და არა მარტო მოთხოვნა. ისინი ითხოვენ ალეკო ელისაშვილთან შეხვედრას, რადგან ალეკო ელისაშვილი ოფიციალურად არ წარმოადგენს ნაციონალურ მოძრაობას და მას რატომ უნდა ქონოდა ინტერესები, როცა ინტერესი, რომ პოლიტპატიმრებთან დაკავშირებით ფინანსურ გარიგებებზე ამბავი აეგორებინათ ნაციონალებს ზოგიერთ ტელეკომპანიასთან ერთად ქონდა.“- განაცხადა კაკაბაძემ.

ნანა კაკაბაძის თქმით, ხელისუფლებას რომ თავიდანვე ყურადღება მიექცია პოლიტპატიმრების საქმეებისთვის, დღეს სიტუაცია გართულებული არ იქნებოდა და კითხვის ნიშნებიც არ იარსებებდა.

„ძალიანაც კარგი, რომ ეკა ბესელიამაც იწვნია, მანანა კობახიძემაც და უსუფაშვილსაც მოხვდა. ძალიან დიდი იმედი მაქვს რომ გაინძრევიან, იზრუნებენ და ამ საქმეებს გადახედავენ.“- აღნიშნა კაკაბაძემ.

კაკაბაძემ კონკრეტულ მსჯავრდებულებზეც ისაუბრა და აღნიშნა, რომ ბოჭორიშვილს ჰქონდა სურვილი პოლიტპატიმართა სიაში მოხვედრილიყო თუმცა ეს პირი მათ სიაში არ ჩასვევს. ამასთან კაკაბაძე ამბობს, რომ ფხაკაძე პოლიტიკურ პარტიასთან ასოცირებული პირი იყო და იმიტომ მოხდა სიაში. კაკაბაძე დერვიშაძის შესახებაც საუბრობს და აცხადებს, რომ მისი პოლიტპატიმრის სტატუსით გათავისუფლება სწორი გადაწყვეტილება იყო.

ნანა კაკაბაძე ალეკო ელისაშვილს მიმართავს და მოითხოვს, რომ შეწყალების კომისიის ყოფილმა ხელმძღვანელმა კონკრეტული პიროვნებების სახელები და გვარები დაასახელოს, რომლებიც მასზე ზეწოლას ახდენდნენ.