„ნაციონალური მოძრაობის“ წევრი სერგო რატიანი მიიჩნევს, რომ ე.წ. შეწყალების საქმეზე პრეზიდენტი დასაკითხად პროკურატურაში მისვლას თავად მოისურვებს.

დეპუტატის თქმით, აღნიშნულ საქმეზე არსებობს საზოგადოების მაღალი ინტერესი და ამიტომ ყველა კითხვას პასუხი დროულად უნდა გაეცეს.

„ეს არის ზღვარგადასული ცინიზმი არა მხოლოდ ელისაშვილის არამედ საზოგადოების მიმართ. რაც შეეხება პრეზიდენტს, ვიფქრობ, რომ ის თავად მოისურვებს მისვლას პროკურატურაში. ეს არის უკვე გარკვეულწილად საზოგადოების მაღალი ინტერესი და ღირსების საკითხი“, - განაცხადა რატიანმა.

პრეზიდენტის მრჩეველმა დაადასტურა, რომ გიორგი მარგველაშვილს ელისაშვილისთვის გაგზავნილი მესიჯები წაკითხული აქვს. არ არის გამორიცხული შეწყალების საქმეზე მიმდინარე გამოძიების ფარგლებში გიორგი მარგველაშვილიც დაიკითხოს.