"ქართული ოცნების" საარჩევნო კამპანიაში ბიძინა ივანიშვილი ახალი წლიდან ჩაერთვება

პოლიტიკა - 10:47, 16 Dec, 2015

2865

კოალიცია „ქართული ოცნების“ პოლიტსაბჭოსა და უმრავლესობის გაერთიანებული სხდომის შემდეგ „ოცნების“ წევრებმა მედიასთან მომავალ გეგმებზე და კოალიციაში დაგეგმილ სიახლეებზე ისაუბრეს. უმრავლესობის წევრების თქმით ოცნების სარჩევნო სიაში მოხვედრის მსურველი ბევრია და მუშაობა მიმდინარეობს, საბოლოო გადაწყვეტილება კი სავარაუდოდ იანვრისთვის იქნება ცნობილი:

„უმრავლესობის ლიდერის ზვიად კვაჭანტირაძის თქმით კოალიციის საარჩევნო კამპანიაში ახალი წლიდან აქტიურ ჩართვას აპირებს ბიძინა ივანიშვილიც, თუმცა ყოფილი პრემიერი არჩევნებში მონაწილეობას არ მიიღებს.

„ბატონი ბიძინა როგორც შეგვპირდა, იქნება განსაკუთრებით ახალი წლიდან ძალიან აქტიურად ჩაბმული ჩვენს ღონისძიებებში.“ - განაცხადა ზვიად კვაჭანტირაძემ.

ქართული ოცნების წევრი ელისო ჩაფიძე აცხადებს, რომ მაჟორიტარობის კანდიდატების ვინაობის შესახებ მოსახლეობა გაზაფხულზე გაიგებს.

„თუ ვინ იქნებიან მაჟორიტარობის კანდიდატები ამას მოსახლეობა გაიგებს გაზაფხულზე, ხოლო თუ ვინ იქნება სიაში ამას არჩევნებამდე 40-50დღით ადრე. ბატონ ბიძინას საარჩევნო სიაში ყოფნა არ სჭირდება იმისათვის, რომ თავისი მაღალი ავტორიტეტით მხარი დაუჭიროს ქართულ ოცნებას,“ - განაცხადა ელისო ჩაფიძემ.