"მინდა დავამშვიდო აკო მინაშვილი, არსად წასვლას არ ვაპირებ"- მანანა კობახიძე

პოლიტიკა - 20:44, 15 Dec, 2015

2241

პარლამენტის ვიცე სპიკერი მანანა კობახიძე შეწყალების კომისიის სკანდალთან დაკავშირებით კომენტარს კიდევ ერთხელ აკეთებს და მიმდინარე მოვლენებს პოლიტიკურ ბრძოლად აფასებს. როგორც კობახიძემ „იმედის ქრონიკასთან“ განაცხადა ელისაშვილის და ენმ-ს განცხადებები ერთმანეთთან უნისონშია, რაც მათ პოლიტიკურ მიზანს აშკარას ხდის. ამასტანავე პარლამენტის ვიცე სპიკერის თქმით ის თანამდებობის დატოვებას არ აპირებს:

„მინდა დავამშვიდო აკო მინაშვილი, არსად წასვლას არ ვაპირებ. აშკარად გამოჩნდა, რომ ელისაშვილის ქმედება და ამათი განცხადებები ძალიან უნისონში, ერთი ერთშია და შესაძლებელია ითქვას, რომ ძალიან ცხადია პოლიტიკური მიზანი. რა თქმა უნდა მთელი ეს ბინძური ცილისწამების კამპანია ახლა არ დაწყებულა. იმ დღიდან რაც შედგა პოლიტპატიმრების სია, ნაციონალურ მოძრაობას ამ პროცესის დისკრედიტაცია სურს.“

როგორც მანანა კობახიძემ განაცხადა ის მოითხოვს, რომ შეწყალების კომისიის ყოფილმა და მოქმედმა ხელმძღვანელებმა ცრუ დასმენებისთვის პასუხი აგონ.

„თუ დადასტურდა რომ ეს ჩვენებები არის ცრუ და ეს იყო ცრუ დასმენა , ერთიც იყო პროკურატურაში და მეორეც, აუცილებლად, მე ამას მოვითხოვ , ერთი რიგითი მოქალაქე ამ ქვეყნის, ცრუ ჩვენებისა და დასმენისთვის ადამიანებმა უნდა აგონ პასუხი“- განაცხადა კობახიძემ.