,,უპასუხისმგებლო“ ,,წარსულის მეხოტბეები“ - უმრავლესობა ელისაშვილი-ქორიძეს აკრიტიკებს

პოლიტიკა - 18:57, 15 Dec, 2015

2427

ქართული ოცნების ოფისში უმრავლესობისა და პოლიტსაბჭოს გაერთიანებული სხდომა მიმდინარეობს, რომლის მთავარი თემაც შეწყალების კომისიის ირგვლივ მიმდინარე პროცესები და პარლამენტის ვიცესპიკერ მანანა კობახიძესთან დაკავშირებული სკანდალია. სხდომის დაწყებამდე კომენტარი პარლამენტის უსაფრთხოებისა და თავდაცვის კომიტეტის თავმჯდომარემ გააკეთა. ირაკლი სესიაშვილმა ალეკო ელისაშვილი და ზვიად ქორიძე უპასუხისმგებლო ქმედებაში დაადანაშაულა:

„უპასუხისმგებლო ქმედებას ვხედავ იმ პირების მხრიდან, რომლებიც ბრალს სდებენ ჩვენს კოლეგებს. მაგრამ გამოძიება მიმდინარეობს და ნებისმიერი, ვინც არ უნდა იყოს, პასუხს აგებს. მე დარწმუნებული ვარ, რომ ჩემს კოლეგებს არანაირი კავშირი არა აქვთ ამ ტიპის ბრალდებასთან იმიტომ, რომ მე ვიცი, როგორ მიდიოდა პროცესი და ეს არის, ჩემდა სამწუხაროდ, პოლიტიკური დისკრედიტაციის მცდელობა,“ - განაცხადა ირაკლი სესიაშვილმა.

წარსულის მეხოტბეებად მოიხსენიებს ელისაშვილს და ქორიძეს უმრავლესობის ლიდერი ზვიად კვაჭანტირაძე:

„უაპელაციოდ ამაზე საუბარი არის უპასუხისმგებლობა და უსინდისობა. მითუმეტეს იმ ადამიანებისგან არ უნდა ისმოდეს, ვინც დღემდე ვერ გათავისუფლებულან მძიმე წარსულისგან და ვინც დღემდე ითვლებიან წარსულის მეხოტბეებად,“ – განაცხადა ზვიად კვაჭანტირაძემ.