პარლამენტის ვიცე-სპიკერი მანანა კობახიძე აპირებს, რომ „ქრონიკა +“-ის რედაქტორს სასამართლოში ცილისწამებისთვის უჩივლოს. როგორც კობახიძემ ჟურნალისტებთან საუბრისას განაცხადა კილაძის წინააღმდეგ საჩივარს უახლოეს დღეებში შეიტანს.

გაზეთ ქრონიკა პლიუსის რედაქტორი ელისო კილაძე აცხადებს, რომ საპარლამენტო უმრავლესობის წევრები ეკა ბესელია და მანანა კობახიძე კორუფციულ გარიგებაში იყვნენ ჩართულნი.

ჟურნალისტის ინფორმაციით, კობახიძე-ბესელიას დუეტმა თავის დროზე კოკაინის საქმეზე მსჯავრდებულები პოლიტპატიმართა სიაში ჩასვეს, თუმცა მაშინდელი მინისტრის მოადგილის გელა ხვედელიძის და მინისტრის ირაკლი ღარიბაშვილის უშუალო ჩარევით ყველა მათგანი ამოღებულ იქნა ამ სიიდან.